Accord entre l’évêque de Strasbourg Berthold [II de Bucheck] et le conseil de la ville de Strasbourg, prévoyant qu’à la mort du prélat, l'administration de l'échêvé devrait échoir au prévôt du chapitre Jean de Lichtenberg jusqu'à l'élection d'un nouvel évêque.

Wir Bertholt von Gotz gnaden bischof zů Strazburg der vorgenante hant gelobet stete zů habende allez, daz do vorgeschriben stat . . Wir Alhreht Judenbreter der meister und der rat von Strazburg vorgenant hant ŏch gesworn stete zů habende allez, das do vorgescriben stat, und daz ez ieder alle rat, so er abegat, dem nüwen rate in den eyt sol geben stete zů habende ŏch ane alle geverde. So hant ŏch wir der vorgenante Johans von Liehtemberg dümprobest zů Strazburg allez, daz hie vor geschriben stat, gesworn stete zů habende ane alle geverde. Wir Dyeterich von dem Huse vogt zů Rúfach, Eberlin von Andelahe dez vitzetůmez sún vŏgt zů Zellemberg, Elnhart vŏget zů Bernenstein, Johans Wenser schaffener zů Mollisheim, Cůnrat der schultheisz von Zabern, Wirich von Tiersberg vogt zů Ullemburg unde Johans Meyer vŏgt zů Ettenheim ; und ŏch wir die gemeinden dez bistůmez stette, Sultze, Rúfach, Egensheim, Marckoltzheim, Ebersheimmunster, Benefelt, Rynowe, Mollisheim, Zabern, Ettenheim und Oberkirche hant ŏch gesworn stete zů habende getruwelich allez daz, daz do vorgeschriben stat ane allerslahte geverde. Unde dez zů eime waren urkunde so hant wir bischof Bertholt der vorgenante, wir Albreht Judenbreter der meister und der rat von Strazburg, wir Johans von Liehtemberg, důmprobest vorgenant und dar zů wir die orgenanten vŏgete, die schultheiszen, die schaffener, und ŏch wir die vorgenanten gemeinden dez bistůmez stiette unsere ingesigele an disen brief gehencket.

Le nom du premier sigillant n'a pas été noté sur le repli.

WITTE (Hans) et WOLFRAM (Georg), Urkundenbuch der Stadt Strassburg, t. 5/1, Politische Urkunden von 1332 bis 1380, (1332-1364), Strasbourg, 1896, p. 228-229, n° 240.